ქრომოსომული ანალიზი; როდისაა რეკომენდებული ქრომოსომული ანალიზის ჩატარება

ქრომოსომული ანალიზისთვის გამოდგება ის უჯრედები, რომლებსაც აქვთ კულტივირებისა და სწრაფი დაყოფის უნარი.  

განვიხილოთ ლეიკოციტების ქრომოსომული ანალიზი:

1   1.  ვენოპუნქციით ვიღებთ პერიფერიულ სისხლს.

2. შედედების თავიდან ასაცილებლად, სისხლის ნიმუშს შევურევთ ჰეპარინს.

3.     გამოვყოფთ ლეიკოციტებს.

4.     მათ მოვათავსებთ ქსოვილური კულტურის საკვებ ნიადაგში.

5.     გამოვიწვევთ უჯრედთა დაყოფის სტიმულაციას.

6. რამდენიმე დღის შემდეგ, დაყოფად უჯრედებს, მიტოზური თითისტარას მაინჰიბირებელი ნივთიერებების გამოყენებით  გავაჩერებთ მეტაფაზაში.

7. ბირთვიდან ქრომოსომების გამოსათავისუფლებლად მათ მოვათავსებთ ჰიპოტონურ ხსნარში.

8.     მოვახდენთ ქრომოსომათა ფიქსაციას.

9. შემდეგ გადავიტანთ სასაგნე მინაზე  და შევღებავთ იმ მეთოდით, რომელიც საჭიროა კონკრეტული დიაგნოსტიკური პროცედურისთვის.

როდისაა რეკომენდებული ქრომოსო–მული ანალიზის ჩატარება

ქრომოსომული ანალიზის ჩატარება მიზანშეწონილია:

1. ადრეულ ასაკში გამოვლენილი ზრდისა და განვითარების პრობლემების დროს.

2.     მკვდრადშობადობისა და ნეონატალური სიკვდილიანობის დროს, სიკვდილის მიზეზის დასადგენად.

3. უნაყოფობასთან დაკავშირებული პრობლემების დროს, რათა დადგინდეს არის თუ არა რომელიმე მშობელი ქრომოსომული დარღვევის მატარებელი.

4. თუკი ინდივიდის პირველი რიგის ნათესავს დასმული აქვს ქრომოსომული დარღვევის დიაგნოზი ან არსებობს ეჭვი ასეთი დაავადების მატარებლობაზე, ეს საკმარისი ჩვენებაა ქრომოსომული გამოკვლევის ჩასატარებლად.

5. 30–35 წელს გადაცილებული ქალის ორსულობის შემთხვევაში სასურველია დედამ ნაყოფს ქრომოსომული გამოკვლევა ჩაუტაროს, რადგან ამ პერიოდში, მაღალია რისკი იმისა, რომ ბავშვს ქრომოსომული ანომალიები განუვითარდება.