• ადგილობრივი და გენერალიზებული რეაქციები.
დაავადების პათოგენეზის ანალიზისთვის აუცილებელია პათოლოგიაში ზოგადს და ადგილობრივს შორის ურთიერთთანაფარდობის სწორი გააზრება.
მაგ: ფურუნკული (ძრმაგარა) ვითარდება მხოლოდ თმის ფოლიკულში და ექვემდებარება ადგილობრივ მკურნალობას. ამ პროცესს ადგილობრივად მიიჩნევენ. მაგრამ, თუ ფურუნკული რომელიმე ზოგადი ავადმყოფობის ადგილობრივი გამოვლინებაა (მაგ. შაქრიანი დიაბეტის), მაშინ საჭიროა ბრძოლა ზოგად ავადმყოფობასთან, რადგან ასეთ შემთხვევაში ადგილობრივი ჩარევა ნაკლებად ეფექტური იქნება.
მთლიან ორგანიზმში, აბსოლუტურად ლოკალური პათოლოგიური პროცესი არ არსებობს, რადგან პროცესში, მეტ-ნაკლებად, მთლიანი ორგანიზმი ჩაერთვება.
• სპეციფიკური და არასპეციფიკური მოვლენები
ნებისმიერი ავადმყოფობის დროს შეგვიძლია განვასხვაოთ სპეციფიკური და არასპეციფიკური მოვლენები. სპეციფიკურია მოვლენები, რომლებიც ახასიათებს მხოლოდ ერთ გარკვეულ ავადმყოფობას, ან ავადმყოფობათა გარკვეულ ჯგუფს. არასპეციფიკური მოვლენები კი შესაძლოა მრავალ დაავადებას ახასიათებდეს. მაგ: ანთება, სისუსტე და სხვ.
No comments:
Post a Comment