გულმკერდის მიდამოს საორიენტაციო წერტილები

ორიენტირები
○ გულმკერდის წინა კედელზე ხელით ისინჯება:

1. ლავიწი
2. I ნეკნის ბოლო
3. მკერდის კუთხე (angulus sterni) და მასთან დაკავშირებული II ნეკნი.
   – მკერდის კუთხეს ლუდოვიკოს კუთხესაც უწოდებენ. მკერდის კუთხე მდებარეობს IV-V მალთაშუა ხრტილის დონეზე. ნეკნების დათვლა იწყება II ნეკნიდან, რადგან ის ყოველთვის კარგადაა გამოხატული.
4. მკერდის ძვლის წინა ზედაპირი
5. მკერდის ძვლის საუღლე ნაჭდევი (incisura jugularis) 
   – მდებარეობს გულმკერდის II მალის დონეზე.
   
   
   
   
6. მახვილისებრი მორჩი (processus xiphoideus)
   – მდებარეობს გულმკერდის  X მალის დონეზე.
7. მახვილისებრი მორჩის მწვერვალი
   – მდებარეობს გულმკერდის  XI მალის დონეზე.
8. ნეკნთა რკალი
   – იქმნება VII-X ნეკნთა ხრტილებით
9. მკერდის დიდი კუნთი
10. ძუძუს დვრილი
    – მამაკაცებში ის მნიშვნელოვანი ორიენტირია და მდებარეობს IV ნეკნთაშუა სივრცის დონეზე. ქალებში კი მისი მდებარეობა ძალზედ ცვალებადია, რის გამოც საორიენტაციოდ ვერ გამოვიყენებთ. 
11. გულის ძგერა ისმინება: მარცხენა ლავიწის შუა წერტილიდან დაშვებულ ვერტიკალურ ხაზზე, V ნეკნთაშუა სივრცეში.

○ გულმკერდის გვერდითა კედელზე ხელით ისინჯება:

1. III-X ნეკნები
2. ჟერდის ხაზი
   – ჟერდის ხაზი, წარმოადგენს ტეხილ ხაზს, რომელიც იქმნება გულმკერდის წინა დაკბილული კუნთისა და მუცლის გარეთა ირიბი კუნთის დასაწყისთა ურთიერთობით. ჟერდის ხაზი კარგად შეიმჩნევა კუნთოვანი სისტემის კარგი განვითარების შემთხვევაში.

○ გულმკერდის უკანა კედელზე ხელით ისინჯება:

1. ნეკნები
   – ნეკნები შეგვიძლია გავსინჯოთ ბეჭის ძვლის ქვემოთ და მედიალურად.
2. ბეჭის ძვლის კუთხეები
3. ბეჭის ძვლის მედიალური და ლატერალური კიდეები
   – ბეჭის ძვალი მდებარეობს II ნეკნის ზედა კიდიდან –  VII ნეკნის ზედა კიდემდე
4. მალების წვეტიანი და განივი მორჩები