მუცლის დაყოფა მიდამოებად

მუცლის ღრუს ორგანოების სხეულის ზედაპირზე პროეცირების მიზნით მუცელი იყოფა მიდამოებად. ამისთვის, მუცლის მიდამოს წინა კედელზე ავლებენ ორ ჰორიზონტალურ და ორ ვერტიკალურ ხაზს.

ზედა ჰორიზონტალურ ხაზს – ავლებენ X ნეკნების ყველაზე დაბალწერტილებს შორის.

ქვედა ჰორიზონტალურ ხაზს – ავლებენ თეძოს წინა ზედა წვეტებს შორის.

ამ ორი ჰორიზონტალური ხაზით გამოიყოფა შემდეგი მიდამოები:

1. მუცლის ზედა ნაწილი – ეპიგასტრიუმი (epigastrium). მდებარეობს ზედა ჰორიზონტალურ ხაზსა და შუასაძგიდს შორის.
2. მუცლის შუა ნაწილი – მეზოგასტრიუმი (mesogastrium). მდებარეობს ზედა და ქვედა ჰორიზონტალურ ხაზებს შორის.
3. მუცლის ქვედა ნაწილი – ჰიპოგასტრიუმი (hypogastrium). მდებარეობს ქვედა ჰორიზონტალურ  ხაზსა და საზარდულის ნაოჭებს შორის.